Монгол Улсын Засгийн газар, Монголын Үндэсний Худалдаа Аж Үйлдвэрийн танхим хамтран нийгэм, эдийн засгийн хөгжилд бодитой хувь нэмэр оруулж буй “ТОП-100 аж ахуйн нэгж”-ийг эрэмбэлж, өргөмжлөх үйл ажиллагааг 21 дэх жилдээ зохион байгууллаа.
![TOP 100 awards 2022](https://static.wixstatic.com/media/02fdb7_7d07929788d24763bde03d957389ac7e~mv2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/02fdb7_7d07929788d24763bde03d957389ac7e~mv2.jpg)
Улс орон, нийгэм, эдийн засгийн хөгжлийн түүчээ болж, салбартаа манлайлж байдаг, шилдэг татвар төлөгч, баялаг бүтээгч, үндэсний аж ахуйн нэгж “Монголын Алт” (МАК) ХХК болон “МАК Цемент” ХХК нь “ТОП-100” ААН-ийн 2021 оны шалгаруулалтад дахин эрэмбэлэгдэж, өмнөх амжилтаа баталгаажуулж чадлаа. МАК-чууд бидний бүтээн байгуулалт, ажил хөдөлмөр улсдаа өндрөөр үнэлэгдэж групп компанийн хувьд татвар төлөлт, ажиллах хүчний үзүүлэлтээр сүүлийн 10 жилийн хугацаанд "Үндэсний ТОП 100 аж ахуйн нэгж"-ийн жагсаалтын эхний 10 байранд тогтмол бичигдэж, энэхүү жагсаалтад 21 дэх жилдээ амжилттай шалгараад байна.
Монгол Улсын Засгийн Газар, Монголын Үндэсний Худалдаа Аж Үйлдвэрийн Танхим хамтран шалгаруулдаг, энэхүү ТОП-100 ААН-үүд нь улсын татварын орлогын дийлэнхийг нуруундаа үүрч, Монгол Улсын эдийн засгийн гол хөдөлгөгч хүч болж байдаг үндэсний бахархал билээ.
![TOP 100 awards 2022](https://static.wixstatic.com/media/02fdb7_5bf4e307f9bc414dab230cbea917ebef~mv2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/02fdb7_5bf4e307f9bc414dab230cbea917ebef~mv2.jpg)