Уул уурхай, хүнд үйлдвэрлэл
"Монголын Алт" (МАК) ХХК нь эх орны эрдэс, түүхий эд болох нүүрс, зэс болон бусад ашигт малтмалыг олборлон олон улсын дэвшилтэт технологи, стандартын дагуу боловсруулж, импортыг орлох нэмүү өртөг шингэсэн эцсийн бүтээгдэхүүн гаргахыг зорин ажиллаж байна. Түүнчлэн газрын тос, геологи хайгуул, устөрөгч болон дагалдах бүтээгдэхүүний боловсруулалтын төслүүдийг хэрэгжүүлж байна.
Нарийнсухайтын уурхай
Өмнөговь аймгийн Гурвантэс суманд байрлах Нарийнсухайтын нүүрсний уурхай нь 2008 оноос нүүрсний олборлолт, экспортоо эхлүүлсэн. Ингэхдээ гидроциклонт технологи бүхий нэг сая тонны хүчин чадалтай хөвүүлэн баяжуулах үйлдвэртэйгээр ордын нөөцийг хаягдал бохирдолгүй, бүрэн ашиглаж зах зээлд нэмүү өртөг шингэсэн бүтээгдэхүүн нийлүүлэн экспортлох замаар эдийн засгийн үр өгөөжийг дээшлүүлэхэд бодит хувь нэмрээ оруулж байна.
Цагаансуварга зэс молибденийн төсөл
Цагаансуваргын хүдрийн ил уурхай, уулын баяжуулах үйлдвэр болон катодын зэсийн төслийн хүрээнд 1,300 гаруй хүн байнгын ажлын байраар хангагдаж, 100-150 туслан гүйцэтгэгч компаниар дамжуулан 5,000-7,500 ажлын байр шинээр бий болно. Мөн улс, орон нутгийн төсөвт жилд дунджаар 150 сая ам.доллар буюу Монгол улсад нийт 4 тэрбум ам.долларын татвар хураамжийн орлого төвлөрүүлэх боломжтой төсөл юм.
Газ рын тосны хайгуул, судалгааны ажил
Дундговь, Дорноговь, Өмнөговь аймгуудын нутагт орших газрын тосны хайгуулын “Төхөм-X урд” талбайд Монгол Улсын Засгийн газартай Бүтээгдэхүүн хуваах гэрээг 2012 онд байгуулсан.
Уг талбайд 2023 онд 1 цооног, 2 хэмжээст чичирхийллийн судалгаа хийсэн бөгөөд цаашид 3 хэмжээст судалгааг гүйцэтгэхээр төлөвлөж байна. Улмаар Дорноговь аймагт баригдаж буй газрын тос боловсруулах үйлдвэрт бүтээгдэхүүн нийлүүлнэ.
Устөрөгчийн үйлдвэрлэл ба дагалдах бүтээгдэхүүний боловсруулалт төсөл
Япон, Монголын хамтарсан судалгаагаар Дорнод аймгийн Адуунчулууны хүрэн нүүрсийг түшиглэн туршилтын үйлдвэр байгуулан метанол үйлдвэрлэж, Улаанбаатар хотын дулааны хэрэгцээг хангах өндөр ач холбогдолтой болохыг тогтоосон.
ЖИЛИЙН ҮЙЛДВЭРЛЭЛИЙН ХҮЧИН ЧАДАЛ
-
I үе шат: 250,000 тонн Метанол (Дотоод зах зээл)
-
II үе шат: 40,000 тонн Устөрөгч (Экспорт)
