"Монголын Алт" (МАК) компани хүртээмжтэй боловсролыг дэмжих бодлогынхоо хүрээнд үйл ажиллагаа явуулж буй Өмнөговь аймгийн Гурвантэс сумын оюутнуудад сургалтын тэтгэлэг гардууллаа. Тус сумын 12 оюутанд нийт 24 сая төгрөгийн сургалтын тэтгэлэг олгосон юм. Орон нутагтай хамтран ажиллах гэрээний хүрээнд 2016 оноос хойш нийт 20 оюутныг сургалтын тэтгэлэгт хөтөлбөрт хамруулан 74.9 сая төгрөгийн тэтгэлэг олгоод байна.
