Манай компани 2022-2024 оны хичээлийн жилээс эхлэн “MAK Internship” цалинтай дадлагажуулах хөтөлбөрийг хэрэгжүүлж байна. Уг хөтөлбөрийн цар хүрээг өргөжүүлж буй санамж бичиг байгуулах ажлын хүрээнд хөдөлмөрийн зах зээл дээрх эрэлттэй, нарийн мэргэжлээр суралцаж буй оюутан залуусыг компанийн газар, нэгж, үйлдвэр, уурхайд цалинтай дадлагажуулан, ажлын байранд зөв системтэйгээр бэлтгэж, үргэлжлүүлэн ажлын байраар хангах зорилготой юм. Хөтөлбөрийн хүрээнд өнөөдөр МУИС, ХААИС, ШУТИС, GMIT (Герман Монголын хамтарсан Ашигт малтмал, технологийн Их сургууль) зэрэг 4 их сургууль, Улаанбаатарт мэргэжилтэн бэлтгэдэг 3, орон нутгийн 5 Политехник коллеж, МСҮТ-тэй 3-5 жилийн хугацаанд хамтран ажиллах санамж бичиг байгуулан ажиллаж байна.

       “Монголын Алт” (МАК) ХХК нь боловсрол, эрүүл мэнд, спорт гэсэн үндсэн гурван чиглэлд нийгмийн хариуцлагын төсөл, хөтөлбөрүүдийг хэрэгжүүлэн ажилладаг. Тухайлбал, боловсролыг дэмжих бодлогын хүрээнд үйлдвэр, уурхайн нөлөөллийн бүсийн сум буюу Өмнөговь аймгийн Гурвантэс, Дорноговь аймгийн Даланжаргалан сумдад сургууль, цэцэрлэг байгуулаад байна.